Skip to content Skip to left sidebar Skip to footer

Тăван чĕлхе

Тăван чĕлхе.©
Василий Шихранов.

Чăваш чĕлхи,тăван сăмахлăх,
Унран чапли мĕнех-ши пур?
Унрах пулни,унрах -пуласлăх.
-Вăл пур чухне  чăваш та пур!

  Чăваш чĕлхи -анне сассийĕ,
  Сăпка юрри шăраннă чух.
  Чăваш чĕлхи — çăлкуç юххийĕ,
  Итленĕçем киленнĕ чух!

Чăваш чĕлхи- салтак юррийĕ,
Яш каччăна ăсатнă чух.
Чăваш чĕлхи -пике юррийĕ,
Шур тутăрне тĕрленĕ чух.

  Тăван чĕлхе -вĕри куççулĕ,
  Чăваш унран вăтаннă чух…
  Тăван чĕлхе -малашлăх çулĕ.
  -Унран хакли пулас та çук!

Ытамĕнче пире упратăр
Çак çут тĕнчен Таса Турри!
Чăвашлăха тытса тăрайтăр
Çак авалхи чĕлхе пурри!

0 Comments

There are no comments yet

Leave a comment

Ваш адрес email не будет опубликован. Обязательные поля помечены *